الرئيسية / كلمات الشيلات / كلمات شيلة من دونك الليل اداء فلاح المسردي

كلمات شيلة من دونك الليل اداء فلاح المسردي

كلمات شيلة من دونك الليل اداء فلاح المسردي

من دونك الليل صاير موحش ولا يطاق
والعمر دونك هموم وضيق صدر وعنا

لا عاد يوم الرحيل ولا هنار الفراق
اللي تجنا علينا بالفراق وجنا

مادري وش اللي حصل فالكون بعدك وضاق
واصبح مثل عيد الاضحى في مشاعر منى

ابيك واحن لك من دافع الاشتياق
مثل حنين الكبير اللي فقد له ضنا

ياشيخة الزين ياذات القوام الدقاق
خصرك لو يهب ذعذاع النسيم انثنا

والردف مابينه وبين العباية وفاق
مهما العباية وسيعة باين المنحنى

والوجه نور يخلي الليل صبح حقاق
ياحي ذاك القبال اللي لنوره سنا

واللي تمرين من حوله وقلبه رقاق
عز الله انه بعد شوفتك موته دنا

من يوم غبتي وانا مع فرحتي في سباق
ولا عرفت الفرح ولا عرفت الهنا

متى المواصل يعود لنقطة الانطلاق
وادري تعبنا من ايام الهجر كلنا

الحلم فـ الوصل مل من انتظار العناق
الين ظهر الوصال من السنين انحنا

تعالي خذيني من الضيق والاختناق
من حولي الناس لكن عنك مالي غنا

نبغى وطن مابه اهل الكذب والاختاق
ولا فيه عذال تسعى بالقطيعة لنا

هنا ماغير النميمة والحسد والنفاق
ماينفع بحب وسط العالم اللي هنا

ودي نهاجر سوى خارج حدود النطاق
مكان مافيه غير الحب وانتي وانا

عن admin

لتحميل التطبيق على الجوال للايفون و الجالكسي
-
-