الرئيسية / كلمات الشيلات / كلمة شيلة بين تيار الغرام وبين تيار المحبه

كلمة شيلة بين تيار الغرام وبين تيار المحبه

 

كلمة شيلة بين تيار الغرام وبين تيار المحبه

ما يصح الا الصحيح ومستعد أثبت كلامي

سيرة العشاق ماهي سالفة في جال شبه
والهوى والعشق ماهو رميةٍ من غير رامي

مايجي حبن ولا فرقا كذا من دون سبه
مستحيل الا اذا كان الحبيب أكبر حرامي

من لقى اللي في مشاعر صاحبه ماخاف ربه
لا يسلم لي عليه ولا يوصل له سلامي

ومن لقى اللي في مهب العشق باقي في مهبه
ليته يوصل سلامي له وشكر واحترامي

الوفا عقب الجفا فالحب حاجه مستحبه
والجفا عقب الوفا يحمل هدف ماهو بسامي

حاول بشتى الوسايل تحتفظ باللي تحبه
لو تشوف الشوق مره بارد ومرات حامي

العنب مايصلح الا لا كليته حبه حبه
مثل كاس الما تحس بلذته لا صرت ضامي

وانت يادكتور ياللي مانفعني غير طبه
والله انك ماخذٍ تفكيري وكل اهتمامي

صرت كلي صرت عمري صرت لعيوني منبه
اتخيل صوتك وصوتك حتى في منامي

وان بغيت اشبهك بالله قلي كيف اشبه
وانت مايشبهك لا غربي ولا يشبهك شامي

صب خمر العشق من كاسك على يمناي صبه
مثل ماحنا نصب الما على روس الضوامي

وابني لي في صدرك البارز ورى الاضلاع قبه
اتضلل تحتها قدام يذبحني هيامي

والله ان لك في خفوقي شوق وآحساس ومحبه
مايوصفها شعور ولا توصفها الاسامي

عن admin